​​«Ўзбекистон темир йўллари» раиси бир ой ичида икки марта огоҳлантирилди. Ўзгаришлар бор: Афросиёб поездига яқин бир ойга билет йўқ 2022 йил 19 сентябрда "Ўзбекистон темир йўллари" АЖ раиси Ҳ.Ҳосилов 3 ойда ўз тизимида ўзгариш қилмаса, ишдан олиниши ҳақида огоҳлантирилган эди. Кеча, бу сафар Президент қарори билан Ҳосилов яна бир марта огоҳлантирилган. Темир йўллари раҳбари учун огоҳлантиришлар оқибати навбатдаги огоҳлантириш билан давом этадиган кўникмага айланиб қолган бўлса керак. Бу йил ҳисобидан Ҳосилов март ойи бошида ҳайфсан ҳам олганди. Огоҳлантириш ва ҳайфсанлардан ўзгаришлар бор барибир. Масалан, илгари Афросиёбга яқин бир ҳафтага билет топиб бўлмас эди, энди яқин бир ойга ҳам билет йўқ.