Тубгача ҳали бор экан Картошка, кўприк, футбол, метро ва яна ўнлаб ўзига хос бўлмаган самарасиз ишлар билан машғул ва яна ўнлаб пул ўзлаштириш билан боғлиқ бебилиска ишларга киришиб кетган, лекин асосий вазифаси бир четда қолган "Ўзбекистон темир йўллари" сатирик каналлардан бирида пайдо бўлган ҳазил хабарга муносабат берибди. Қаранг-ки, булар сотиш ва талаш мумкин бўлган ҳамма нарса сотилаётган ва таланаётган янги Ўзбекистонда бўлаётган ишларга ҳазил луқма эканини тушуниш даражасида эмас. Тубдамиз деб анча адашибмиз, тубгача ҳали яна анча бор экан. Булар ҳали худди исқирт советлар сингари латифаларга қарши курашишади ҳам. Жиноят кодексига олдир-солдир янги Ўзбекистон устидан ҳажв қиладиган латифаларни айтгани учун жазони кўзда тутувчи алоҳида моддалар киритишниям кутса бўлади булардан. Поездлари соатлаб кечикадиган, Африка даражасидаги сервис тақдим этувчи компания - энг асосий функцияси йўловчи ва юк ташиш ҳақида ҳам вақти-вақти билан қайғуриб турса бўларди. P.S. Фойдаланувчилардан бири ёзаяпти: Бирор кимда таклиф бўлган шекилли ҳақиқатдаям. Бизни фош қилишди, деб қўрқиб кетишган.