Зарари давлатга, фойдаси чўнтакка 2019 йилни 63 млрд.сўм зарар билан якунлаган Ўзбекистон темир йўллари Амударё устидан Хоразмни Қорақалпоғистон билан боғлайдиган 413 метрлик кўприк (темир йўл ва автомобиль йўли биргаликда ўтади) қурмоқчи экан. Билмадим, балки компания Қримда бир неча миллиардлаб долларлик маблағларнинг ўзлаштирилиши ҳисобига, Путиннинг ўғри дўсти Ротенберг компанияси томонидан бунёд этилган "Ўғри кўприк"дан илҳомлангандир. Ўзбекистон темир йўллари картошка, кўприк, футбол, метро ва яна ўнлаб ўзига хос бўлмаган самарасиз ишлар билан машғул бўлиши мумкин. Лекин поездлари соатлаб кечикадиган, Африка даражасидаги сервис тақдим этувчи компания - энг асосий функцияси йўловчи ва юк ташиш ҳақида ҳам вақти-вақти билан қайғуриб турса бўларди. Энг асосийси, зарари давлатга, фойдаси чўнтакка принципларидан воз кечилса ҳаммаси изга тушиб кетади. @the_bakiroo