Ропа-роса 2 ҳафта олдин Шавкат Мирзиёевга электромобиль тармоғини ривожлантириш ва электромобилларга хизмат кўрсатиш соҳасини кенгайтириш бўйича лойиҳа тақдим қилинганди. Тақдимот доирасида электромобилларга сервис хизмати кўрсатиш шохобчалари тармоғини кенгайтириш масаласи ҳам кўтарилди. Яқин икки йилда икки мингта қувватлаш станциялари ўрнатиш масаласи қўйилди. Яндекс вакиллари вақтни йўқотмай ICT Week тадбирида Яндекс Заправки, хусусан электромобиллар тармоғи учун ҳам хизматни йўлга қўйиш бўйича бир қатор АЁҚШ лар билан музокаралар олиб бораётганини айтиб ўтди. Сервис ёрдамида ёқилғи учун тўловни илова орқали амалга ошириш, маршрут бўйлаб ёқилғи қуйиш шохобчаларидаги нархларни солиштириш, маслаҳат ва таклифларни қолдириш имконини беради. Электрмобиллар бозори илдам суръатларда ривожланаётганини ҳисобга олсак, бу ўз вақтида қабул қилинган қарор. Ўйлайманки, биз тез орада мазкур йўналишда иш бошлайдиган халқаро ва маҳаллий компаниялар ҳақида кўпроқ билиб оламиз.