Бошқа харажатлар Бирламчи бюджет тақсимловчиси очиқланмаган бошқа харажатлар 35,9 трлн.сўмни ёки жами бюджет харажатларининг 10,4%ини ташкил этган. Ўтган йили ҳам бошқа харажатлар жами бюджет харажатларининг 10,4%и атрофида бўлган. Умум эътироф этилган практикага кўра, бошқа харажатлар моддасида, қоида тариқасида, давлат ва ҳарбий сирларни ташкил этувчи, мудофаа, хавфсизлик ва жамоат тартибини сақлаш билан боғлиқ харажатлар битта рақамда акс эттирилади. Аввалроқ Озарбойжон ва Украина мисолида 2023 йилда мудофаа ва хавфсизлик билан боғлиқ харажатлар сезиларли даражада оширилаётгани ҳақида ёзган эдик.