​Бюджет мувозанатлаша бошладими? Октябрда Давлат бюджетининг даромадлари 22,1 трлн.сўмни, харажатлари эса 23,6 трлн.сўмни ташкил этган. Тақдим этилган умумий ойлик рақамлар* бюджетлараро трансфертларни ўз ичига оладими ёки йўқми, айтилмаган. Бунинг учун Консолидациялашган бюджет мундарижаси тўлиқ очилиши керак. Тикланиш ва тараққиёт жамғармаси, Пенсия жамғармаси ва бошқа фондлар ҳисобидан жамланганда умумий аҳвол кўринади. Росмана дефицит суммаси шунда билинади. Ва бу қуйидаги жадвалдаги фарқликдан анча фарқ қилиши аниқ. Дарвоқе, Бюджетномага кўра, Давлат бюджетининг 2023 йил якунлари бўйича кутилаётган даромадлари 233,6 трлн.сўм, харажатлари эса 282,1 трлн.сўм (трансфертлар билан бирга) дея баҳоланмоқда.