​Гап ишониш ё ишонмасликда қолмаган Шахсан мен ўзбек статистикасининг биронта рақамига ишонмайман. Менинг ўзбек статистикасига муносабатим ишораларни илғаш билан боғлиқ холос. Чунки эълон қилинаётган рақамлар тепадагиларнинг ва бенефициарларнинг кўп хоҳиш ва иродаларини ифодалайди, реалликни эмас. Шу маънода жиддий қарорлар қабул қилишда ҳукумат ҳам, халқаро институтлар ҳам ўзбек статистикасини жиддий қабул қилмасликлари керак. Тавтология учун узр! Масалан, ҳозир шу кунларда Андижон, Тошкентда, Самарқандда ва умуман бутун Ўзбекистонда хизмат кўрсатиш, қурилиш ва қишлоқ хўжалиги бўйича мақбул рақамларга чиқиш кампанияси кетмоқда. Селекторлар, оғзаки топшириқлар, тепадан туширилган рақамлар фақат битта мақсад — ЯИМ ўсишини ваъда қилиб қўйилган даражага олиб чиқиш учун. Чунки энергетика кризиси туфайли икки ой кетма кет ЯИМнинг учдан бирини ташкил этувчи саноат ишламади умуман. Қолган соҳаларнинг қулоғини тортмаса, рақам чиқмайди. Статқўм кўп аппеляция қиладиган рейтинглар ва турли баҳолашларга келсак, нафақат Танзила Нарбаева, Ўзбекистонда бошланғич синф ўқувчиси ҳам ҳозир жуда яхши тушунади, бу рейтинг ва баҳолашлар қандай олинишини. Шунинг учун ўзингиз танланг. Ўзбек статистикасига ишонинг ва хотиржам яшашда давом этинг. Ёки савол беришда давом этинг, шубҳаланинг, текширинг, ўзингизниям, қолганларниям қийнанг, лекин бу йўл сизни хотиржам қилмайди. @the_bakiroo