Лицензияси тортиб олинган банк лицензияси яна қайтариб берилганми? Ҳа. Қаерда? Россияда! Кўпчилик ўйлаши мумкин, ўзи банк қонунчилиги доимий тарзда бузилиши, кредиторлар ва омонатчилар манфаатларига зид ҳаракатлардан кейин тортиб олинган лицензия яна қайтариб берилиши мумкинми? Бу имконлими ўзи? Ўзбекистон тарихида, масалан, бундай расмий прецедент бўлмаган. Ўша қора туш дейилган замонда ҳам. Постсовет маконида ва ривожланган ғарбда ҳам бундай ҳодиса жуда кам учрайди ва юз бергудек бўлса, бу ҳақида китоблар ёзилади. Лекин битта истисно мамлакат бор. Бу Россия. Россияда лицензияси тортиб олинган банклар эгалари мабодо Кремлга йўл топа олишса, бўлди. тортиб олинган лицензия қайтариб берилади. Чунки Кремлда криминал ўтмиш ва кулранг манбаларга эга бўлган шахслар руҳий, маънавий яқин ҳисобланилади. Лицензияси тортиб олинган Платина банки бунга яққол мисол. Платина банки букмекерлик конторалари, онлайн казинолар, қиморхоналар иштирокчилари ўртасида тўловлар ўтказиб келган. Россия Марказий банки банк лицензиясини олишда жиноий йўл билан олинган даромадларни легаллаштириш, терроризмни молиялаштириш қоидаларини бузишда ҳам айблаган. Шунингдек, Платина банк даркнетда болалар порногрфияси учун тўловлар қабул қилувчи шўъба асосчиси ҳам бўлган. Кейинчалик Платина банкка қарши иш очган терговчи АҚШ фойдасига шпионликда айбланиб 22 йилга қамалган. Мана шу қақач банкка, лицензия тортиб олингач кўп ўтмай, ўхшашликни қарангки, аҳоли омонатлари бўйича мажбуриятлар давлат тарафидан тўлаб берилгач, айнан Россия Украинага бостириб кирган куни лицензияни қайтариб бериш тўғрисида суд қарори чиқартирилган. Путин россияси учун бу нормал ҳолат. Фақат тепага, Кремлгача канал топилса ва ўртада ишончли ва садоқатли одам жараёнлар кафолатига туриб берса кифоя.