Россия банклари глобал бозорга чиқишда нисбий афзаллик яратмайди Юқори даражадаги давлат назорати масаласини четга олиб турсак, Ўзбекистон банкларининг фундаментал муаммоси бу арзон капитал ва қарз бозорига доступнинг чекланганлиги билан боғлиқ. Бу муаммо Россия банкларининг бозоримизга кириб келиши билан ечилмайди, чунки уларнинг ўзи глобал молиялаштириш каналларидан узилган, четлатилган ёки қиммат воситалар билан чекланишга мажбур. Шартли олганда ҳозир ўртача ўзбек банки ва ўртача Россия банкини халқаро бозордан капитал ва қарз жалб қилиш нархи бир хил. Яъни нисбий афзаллик йўқ. Бунинг устига бирон бир шартли Россия банки ўзбек банкини мақоми ва имиджи билан бойитмайди. Охирги 10 йилда Россия банк тизимида давлат улуши 50%дан 70%гача кўтарилган. Яъни улар биз яқин келажакда истаётган ориентирлардан тескари тарзда ҳаракатланишмоқда. Давлат ҳимояси ва санация остида кун кечириш Россия хусусий банклари учун нормага айланган. Ўзбек банк тизими учун шундай тенденция қадриятми? Путин Россиясининг геосиёсий амбициялари ва авнтюраларидан, бу ишларда банкларнинг бевосита роли бўладими ёки йўқми, барибир банклар жавр тортишга мажбур. Яъни шартли корейс ё шарқий Европа банкидан кўра шартли Россия банкининг санкция ва антисанкциялар ёмғирига учраши эҳтимоли жуда юқори. Бирон бир Россия банки йўқки ё Кремль билан ё Путин олигархияси билан боғланмаган бўлсин. Табиийки, Россия банклари билан аффилланадиган ўзбек банклари ҳам токсик активларга айланади. Россия банкларига бағир очаётган ўзбек банкларининг бенефициарлари бунга тайёрми? @the_bakiroo