Тўғри йўл Ўзбекистонда давлат банклари унчалар умидсиз эмас, агар улардан соф бизнес сегментлар ажратиб олинса. Шунда, қайтанга ажратиб олинган бизнес сегмент, гарчи шўъба сифатида қолса ҳам, она банкидан кўра қимматроқ ва муваффақиятлироқ бўлади. Шу маънода, давлат назоратидаги Агробанкнинг шўъбаси сифатида иш бошлайдиган Smart Bank энг намунали тажрибалардан бирига айланади. Банк менежменти кўп йиллик турли уринишлардан сўнг (трансформация, рақамлашиш ва модернизация каби клиник муолажалар), маҳаллий ҳокимиятлар омилининг горизонтда йўқ бўлмаслиги, ҳукуматнинг маъмурий аралашуви ва иррационал қарорларидан келиб чиқиб мувозанатли банк бизнесини юритишнинг оқилона йўлидан юра бошлаганини олқишлаш лозим.