Оғир январь Январнинг ўтган 15 кунида давлат бюджети даромадлари 4 374,8 млрд.сўмни, харажатлари икки баробардан кўп 9 914,3 млрд.сўмни ташкил этган. Ўтган 2022 йилнинг дастлабки 15 кунида давлат бюджети даромадлари 4 898,0 млрд.сўмдан, харажатлар эса 5 408,9 млрд.сўмдан иборат бўлган. Молия вазирлигининг кунлик очиқламалари асосида йиғилган маълумотлардан ҳам кўринмоқдаки, бюджет даромадлари ўтган йилги кўрсаткичларга чиқа олаётгани йўқ, харажатлар эса юқори суръатда ошмоқда. Январь ойи ҳар доим бюджет учун жуда оғир келади. Лекин иқтисодиётнинг бутун бошли секторлари энергетика таъминотидан узилган ёки ишдан чиққан ҳозирги кунларда вазият янада таранг. Ҳукумат ва давлат идоралари нафақат энергетикада, сарф-харажатларда ҳам тўлиқ экономия режимига ўтиши керак.