Бир йил аввал асл эгасидан "тортиб олинган" "Тинькофф банк" Евроиттифоқ санкцияларига учради Ўзбекларда яхши гап бор. Буюрмайди ва юқмайди. Евроиттифоқнинг ўнинчи пакет санкцияларига Россиянинг тизимли учта банки Альфа-Банк, Росбанк ва Тинькофф банк ҳам киритилган. Альфа-Банк ва Росбанк ўтган йили АҚШнинг SDN типидаги блокловчи қора рўйхатига тушганди. Тинькофф банкнинг ғарб санкцияларига рўпара бўлиши биринчи марта рўй бермоқда. Уруш бошлангач, Тинькофф банк эгаси Олег Тиньков Россиянинг Украинага босқинини кескин қоралаган. Шундан кейин Кремль Тиньков олдига ё национализация ёки айтилган нархда сотиш талабини қўйган. Ўша пайтда 2,4 млрд.долларлик банк акциялари пакети 8 баробар арзонига , 300 млн.долларга Путиннинг ялоқ олигархи Потанинга ўтказилган. Тиньковнинг ўзи эса акцияларни 33 баробар арзонига сотишга тўғри келганини айтганди. Мана энди Тинькофф банк Евроиттифоқ санкцияларига киритилди, бу хусусан банкни SWIFT'дан узилишини, Евроиттифоқ ҳудудида унинг барча активлари ва ҳисоблари музлатилишини ҳам англатади Айтиш керакки, Тинькофф банкнинг Ўзбекистонга пул ўтказмалари охирги пайтда жуда оммалашиб бораётганди. Айниқса россиялик мигрантлар орасида ўтказмалар анча машҳур эди. Кеча тунда қолдирилган изоҳларга қараганда ўтказмалар тўхтаб қолган. Уруш бошлангандан кейин ўтган бир йил воқеалари кўрсатдики, халқлар ва мамлакатларни, айниқса ўзини ўзи ҳимоя қилиш имконияти чекланган ва қарам мамлакатларни талаб ётган ўғри миллиардерлар ва олигархларга қарши энг яхши чора бу санкциялардир. Ҳар бир ўғри миллиардер ва олигархнинг номи санкциялар рўйхатида бўлиши керак!