​Сирдарёда ош бир йилда 35%дан кўпроққа қимматлаган Биг-маг ёки боршч индексининг Ўзбекистондаги аналоги ҳисобланган ош нархларининг ўзгариши кенг халқ оммаси танасида сезаётган инфляциянинг акси бўлиши мумкин. Демак, расмий статистика юритаётган ҳисобга кўра, 2022 йил февралдан 2023 йил февралгача Ўзбекистонда 1 йил давомида ош нархлари 5%дан 35,6%гача қимматлаган. Нархларнинг энг тез ошиши Сирдарёда кузатилган бўлса (35,6%). Тошкент шаҳри (9,8%), Тошкент вилояти (5,7%) ва Бухорода (5,0%) бир хонали ўсиш кўрсаткичи қайд этилган. Ош нархларининг ҳудудлар қирқимида нега бунчалар турлича ўзгаришини тушунтириш қийинроқ. Чунки ҳудудлар қирқимида озиқ-овқат инфляциясининг фарқланиши бунчалар катта эмас. Хусусан, пойтахтда йил давомида ош нархи 9,8%га ошган бўлса, шунинг 4,5%и охирги ойда юз берган. Ёнма-ён вилоятлар бўлган Андижон ва Фарғонада ош нархи 15%гача фарқланади.