Пасайтирилаётган инфляцияга қарамай, Палов нархи кўтарилишда давом этмоқда Июнь ойида дефляция (нархлар тушиши) қайд этилгани ва йиллик инфляциянинг Каримов эпохасининг чиройлик кўрсаткичларига қайтарилганига қарамай палов нархи ошишда давом этмоқда. Ўтган ой давомида 8та вилоятда палов нархининг қимматлагани қайд этилган, биронта вилоятда арзонлашиш кузатилмаган. Бир порция ошнинг нархи Сурхондарёда 4,2%, Тошкент шаҳрида 3,9%га ошган. Нархларнинг қанчалик кўтарилгани ўтган йил июнь ойида палов нархлари билан солиштирганда айниқса яққол кўринади. Бир йил ичида Сирдарёда палов нархи 34%га, Намангандада 32%га, Сурхондарёда 27%га қимматлаган. Бошқача айтганда, ўзбекистонликларнинг асосий истеъмолидаги таом бўлган палов нархлари реалликларни кўрсатиб қўймоқда. Агар унинг ёнига "шакароб индекси"ни қўшсак, адолатли ҳақиқат янаям кўпроқ намоён бўлган бўларди. Чунки помидор 49,6%га, пиёз эса 34,1%га қимматлаган. Яъни нафақат ош ейиш, унга шакароб қўшиб ейиш ҳам кескин қимматлаб кетган. Лекин бундан асло қайғурмаслик лозим, чунки расмий инфляциямиз мана ниҳоят кўзни қувонтирадиган, қулоққа ёқадиган даражага қайтиб олди.