​Қимматлаётган Ўзбекистон: Нарх ошаётганини яширсанг, палов ошкор қилади Расмийларга кўра, июлда истеъмол нархлари 0,2%га арзонлашган Ўзбекистонда палов нархлари 1,6%гача қимматлаган. Албатта, палов индекси инфляцияни тўлиқ ифодаламайди (уни ўғри олигарх ҳам, таланган камбағал ҳам есада), лекин расмий статистика ҳисоботида нархлари юқори даражада ошган товар ва хизматларнинг очиқланмаслиги яна тўғрироқ кўрсаткич сифатида палов индексидан фойдаланишга ундайди. Шундай қилиб, июлда палов нархининг ошиши тезлашган. Бунга гўшт, сабзи, ёғ, пиёз нархи юқори суръатда ошаётганини сабаб қилиб кўрсатиш мумкин. Кўп бора айтганимиздек, палов таннархига ёқилғини ҳам қўшиш керак (метандан узилган ошхона ва чойхоналар ишлатадиган пропан ҳам жуда тез қимматлаяпти). Демак, энг қиммат палов ҳалиям Тошкентда, лекин нархларнинг энг юқори ўсиши Самарқанд вилоятида кузатилган. Килоси 100 мингдан арзон палов фақат Қорақалпоғистонда қолган. Лекин Қорақалпоққа бориб, палов еб келиш, ўзбекистонликларни талаётган ўғри олигархия маҳаллий қатновларни қимматлаштирилган ёқилғи ҳисобига осмонга чиқариб қўйгани ҳисобига, жуда жуда қимматга тушади.