​Сентябрда палов нархи расмий инфляциядан 3 каррагача юқори суръатда қимматлаган Сентябрь ойида Ўзбекистон ҳудудлари бўйлаб палов нархининг ошиши тезлашган. Палов нархининг августга нисбатан энг юқори қимматлашиши Фарғона вилоятида кузатилган (1,8%). Навоийда палов нархлари энг секин 1,0%га ошган. Палов нархларининг қимматлашиши гўшт, ёғ ва сабзи нархларининг сезиларли ошаётгани ҳисобига рўй берган. Республика бўйича энг қиммат гўшт Фарғонада бўлиб қолмоқда (111 875 сўм, 2,2%га қимматлаган). Энг қиммат ёғ Тошкентда (24 277 сўм, +0,3%). Энг қиммат сабзи ҳам Тошкентда (8 468 сўм, +7,2%). Энг қиммат палов пойтахт Тошкентда (килоси 119 327 сўм). Энг арзон палов ейиш учун Қорақалпоғистонга бориш керак (98 647 сўм). Ҳисоб-китобларга ҳалиям ёқилғи нархи қўшилмаган (ўтин, пропан ё метан).