Олтиннинг арзонлашуви захираларимиз қолдиғини камайтирган Февраль ойи давомида халқаро захираларимиз қарийб 2 млрд.долларгача қисқарган ва 34,0 млрд.долларни ташкил этган. Захираларнинг валюта қисми 1 243,1 млн.долларга камайган. 1 март ҳолатига валюта кўринишидаги захираларимиз қолдиғи 10 071.1 млн.доллардан иборат. Ой охирида олтиннинг арзонлашуви захираларнинг олтин кўринишидаги қисмини 716,6 млн.долларга, 22 839,8 млн.долларгача қисқартирган. Олтиннинг физик ҳажми 200 минг унцияга, 12,6 млн.унциягача кўпайган. Демак, февраль максимумларида ўртача ойлик ишлаб чиқариш ҳажмидан камроқ бўлган олтин сотилган бўлиши ҳам мумкин. Аввалроқ, импорт ҳажмининг юқори ўсиш суръатлари туфайли захираларимизнинг 12 ойлик импортни қоплаш даражасигача тушгани ҳақида ёзган эдик.