Тўхтаганмуш, тўхтамаганмуш: Nexia-3 ишлаб чиқарилиши февралда давом этган Ишлаб чиқарилиши тўхтатилиши 7 ойнинг нарида расман эълон қилинган ва охирги захиралар дея сентябргача контрактация дарчаси очилган Nexia-3 автомобили ишлаб чиқарилиши февраль ойида қайта тикланган. Расмий статистикага ишонилса, февралда 467 дона Nexia-3 конвейердан чиққан. Расман бот ва илова орқали Nexia-3 бўйича контрактация тўхтаганига 6 ойдан ошган. Февралда ишлаб чиқарилган автомобиллар кимга ва қай тарзда ва қайси нархларда сотилгани номаълум. Балки, аввал ҳам кўп қўлланилгани сингари дарча механизми орқали "кўрпа остида, ўрага сичқон тушди гулдур гуп" тарзида эгаларини топган бўлиши мумкин. Дарвоқе, ҳукумат истаса унинг эркатой монополисти исталган миқдордаги исталган камёб автомобилни шессекундда топиб беради.