​Февралда олтинсиз экспорт ва импорт ўсиши суръати деярли тенглашган Олтинсиз экспорт 15%га, импорт ҳажми 13%га ўсган февралда январдаги салбий тенденциялар (экспорт ўсишининг тўхтаб қолгани ва импортнинг кескин ўсиши) юмшагандек кўринади. Айни пайтда олтин сотилмагани ҳисобига ташқи савдонинг салбий сальдоси жуда тез ўсишда давом этмоқда. Февраль кўрсаткичларининг яна бошқа айрим эътиборли жиҳатлари ва саволлари: Швейцария жуда катта миқдордаги импорт ҳисобига ТОП-10 савдо ҳамкори рўйхатига кирган. Юзаги статистика бўлгани учун биз яна билмаймиз бу ниманинг ҳисобига, яна самолет сотиб олиндими ёки вертолет? Хитой ва Туркияга экспорт қисқаришда давом этмоқда. Батафсил статистиканинг йўқлиги товарлар қирқимидаги таҳлилларнинг амалга ошириш имконини бермайди. Худди шу фонда Россия йўналишидаги экспорт жуда тез ўсмоқда. Бу Кремлнинг параллел импорт сиёсати ижроси доирасими ёки йўқми, аниқлик киритиш учун яна статистика очилиши керак бўлади. Қашқадарё, Сурхондарё ва Қорақалпоғистоннинг мамлакат ташқи савдосидаги улуши ўзи 1%дан ҳам кам. Бу ташқи савдо концентрацияси ва монополияси ҳаддан зиёд авж олганининг нишонаси ҳам. Яна шу ҳолатда мазкур ҳудудларда ташқи савдонинг юқори суръатда қисқариши давом этмоқда. 2017-22 йилларда гўёки экспортга мўлжалланган юзлаб лойиҳаларнинг самарадорлиги қандай бўлганини текшириш пайти келмадими? Нега Қорақалпоқ ва жануб минг километрга ҳалигача Тошкент орқали импорт товар ташийди? Нега шартли Туркия товарлари Тошкентдан яна ортга Қорақалпоққа, шартли Ҳиндистондан товарлари Тошкентдан яна ортга Сурхонга ташилади? Нега импорт бутун мамлакатга зиён етказиладиган шартларда саноқли манфаатдорлар тарафидан бўлиб олинганича қолмоқда?