Хусусий банклар чакана томон тобора кўпроқ оғишмоқда Эсингизда бўлса, банк секторининг 80%дан зиёдини ҳукуматга бўйсунадиган самарасиз давлат банклари "босиб олган" Ўзбекистонда хусусий банклар учун бир чеккадан - чакана сектордангина жой қолаетгани ҳақида ёзган эдик. 2023 йил биринчи чораги якуни бўйича тенденциялар мана шу ҳақиқатни амалда яққол кўрсатган. Депозит портфелида чакана депозитлар қолдиғи корпоратив депозитлардан кўпроқни ташкил этувчи банклар яна учтага ортган. Демак, Капиталбанк, Ҳамкорбанк ва Инфинбанк депозитлар таркиби мезони бўйича чакана, яъни жисмоний шахслар депозитлари устувор бўлган банкларга айланишган. Бунгача Тенгебанк, Анорбанк, Тибисибанк, Зироатбанк ва Универсалбанклар шундай мақомга эга бўлишган эди. Ҳам кредит портфели, ҳам депозит портфелида устувор равишда жисмоний шахслар билан боғлиқ бўлган Анорбанк ва Тибисибанк ёнига Капиталбанк ҳам қўшилган. Уларни мутлақ чакана устувор бўлган банклар деб атаса бўлади.