Демократик Грузия оталаридан бирининг қабри Тошкентдан Грузияга кўчирилган Икки ярим йил яшаган Грузия Демократик Республикасининг парламенти раҳбарларидан бўлган Александр Ломтатидзенинг қабри Тошкентдан Тбилисига кўчирилган. Ломтатидзе ҳокини қайта кўмиш маросимида Грузия бош вазири Гарибашвили иштирок этган ва Ломтатидзенинг қабрини Тбилисига кўчиришда кўмак берган Ўзбекистон ҳукуматига миннатдорчилик билдирган. Босқинчи советлар Грузияни босиб олишганида Ломтатидзе Тбилисини тарк этишни истамаган. Шахсан Сталиннинг буйруғи билан аввал сургун қилинган, кейин қамоққа ташланган. 1924 йил августда Тошкентда, қамоқхонада вафот этган. Орадан деярли 100 йил ўтиб, грузинлар ўзларининг миллий арбобларини ватанларига қайтаришган. Аждодларга ҳурмат ва эҳтиром масаласида грузинлардан ўрганадиган жиҳатларимиз кўп.