Кейинги таклиф ижтимоий тармоқ фаолларини иноагент деб эълон қилиш бўладими? Йўқ, бу кўпчилик ўйлагандек, спарринг рақибни биринчи кунданоқ ўзини ўзи харакири қилиши эмас. Илдизлар анча чуқур ва режалар жиддий. Фақат гапирадиган оғиз керак эди, бу заруриятни танлангандан чиқиши реализацияни янада легитимлаштиради. Ахир "парламент оппозицияси" таклифларини ҳам инобатга олиш керак-ку. Интернет платформалар ва ижтимоий тармоқларнинг молиявий ва иқтисодий илдизларини назорат этиш цензуранинг энг самарали воситаси экани бугун кашф этилгани йўқ. Улги олинадиган Путин Россиясида масалан, бу борада янада илгарилаб кетишди. Сегментдаги барча субъектлар иноагентларга айлантирилди. Энди уларни назорат қилиш ҳам шартмас, ўзлари ҳар бир рублига ҳисоб беришга мажбур. Шу маънода эртага айтайлик, одолотчи ёки экологик хавфсиз рақиб ижтимоий тармоқ фаолларига иноагентлик мақоми бириктириш ҳақида сўз очиб қолса, ҳайратга тушманг.