Саноат ишлаб чиқариш ўсиши секинлашган Январь-июнь ойларида саноат ишлаб чиқариш январь-май ойларига нисбатан бироз секинлашган (-0,1%) ва 5,6%ни ташкил этган. Ўтган ойда май ойида бошланган нефть қазиб олиш қисқариши давом этган (-1,8 минг тонна ёки 2,7%). Қизиқ тарафи, май ойидаги рекорд даражадан (7 331 млн.кВт.соат) кейин электр ишлаб чиқариш ҳажми июнь ойида 6 755 млн.кВт.соатгача пасайган. Юқорида постда ёзганимиз газдан ташқари, яна шунингдек, автомобиль двигателлари, юк автомашиналари, газ конденсати, ун, ўсимлик ёғи, ароқ, вино, калава ип ишлаб чиқаришда рецессия тўхтагани йўқ. Ишонмаслигингиз мумкин, лекин ишлаб чиқарилиши тўхтатилгани бир йил аввал айтилган Нексия-3 ҳалиям ишлаб чиқарилмоқда. Июнь ойида 64 дона, йил бошидан буён 2 056 дона Нексия-3 конвейердан чиққан.