Ҳиндистон гуруч экспортига тақиқларни янада кучайтирмоқда Дунёнинг асосий гуруч ишлаб чиқарувчиси ва сотувчиси бўлган Ҳиндистон ўтган ҳафтада гуруч экспорти учун 20%лик қўшимча солиқ жорий қилганди. Лекин мазкур чоралар етарли бўлмаган кўринади. Мамлакат ичида гуруч нархи ошишдан тўхтамаган. 2024 йил бошида Ҳиндистонда навбатдаги сайловлар олдидан ҳукумат чекловларни янада кучайтирмоқчи. Муҳокама этилаётган чоралардан бири гуруч экспорти нархи учун 1200 долларлик минимум ўрнатилиши бўлиши мумкин. Гуруч Ўзбекистонда ҳам қимматлашишда давом этмоқда. Июль якунлари билан йиллик нарх ўсиши 50,6%дан иборат бўлган. Сув танқислиги ортидан баҳорда шоли етиштириладиган шимолий минтақамизда шоли экиладиган майдонларни ўтган йиллар билан солиштирганда икки баробардан кўпроқ қисқартириш ва прогноздан 2,5 баробарига кам шоли етиштириш режалари эълон қилинганди.