Яхши сигнал: Кунлик бюджет маълумотларини эълон қилиш тикланди Тўхтатиб қўйилганидан 7 ойдан кўпроқ вақт ўтиб, давлат бюджети даромадлари ва харажатларини кунлик қирқимда эълон қилиб бориш қайтадан тикланди. Демак, 28 август куни давлат бюджетининг даромадлари 456 млрд.сўмни, харажатлари эса 3250,4 млрд.сўмдан иборат бўлган. Аввалроқ, январь ойининг 15 кунида давлат бюджети харажатлари даромадларидан 5,5 млрд.сўмга ошиб кетганидан кейин маълумотлар очиқланиши тўхтатиб қўйилганди. Бюджетга оид кунлик маълумотларнинг эълон қилина бошлангани жуда яхши сигнал. Айтинг, айтинг, кўз тегмасин. Бюджетнинг ойлик, чораклик, ярим йиллик маълумотлари батафсил мундарижаси ва шарҳи билан очиқланишини кутиб қоламиз. Унгача бюджет дефицити билан боғлиқ астрономик рақамлар айтилаётган миш-мишларга ишонмай турамиз. P.S. 28 август кунги маълумотда харажатлар кўплиги сентябрь пенсияси молиялаштирилаётгани (тўланаётгани) билан боғлиқ бўлиши мумкин.