Агар хотирам панд бермаётган бўлса, Совет иттифоқи парчалангач, Ўзбекистонда рецессия кетма-кет 5 йил давом этган ва фақат 1996 йилга келибгина ЯИМнинг 1,7% миқдорида мусбат ўсиши қайд этилган ва шундан буён иқтисодиётимиз мусбат ўсишда давом этмоқда. Мустақил Ўзбекистон тарихида энг катта иқтисодий ўсиш 2007 йилда қайд этилган - 9,9%. Айримлар бу рақамларга ишонмайди, айримлар эса бу даврга нисбатан буюк тўқлик даври деган лутф ишлатишади. Тарихимизда ЯИМнинг энг катта пасайиши эса 1992 йилда рўй берган - 11,2%. 1992 йил карточкалар, талонлар, сўм-купонлар, нархларнинг эркинлаштирилиши, навбатлар, рубль зонасининг инқирози, гиперинфляция кабилар билан халқ ёдида қолган.