Ўзбекча мўъжиза: пахта етиштириш "кўпайгани" сайин ундан чиқадиган тола, чигит, калава, ёғ камайиб бормоқда SIAT базасига кўра, 2022 йилда 3,5 миллион тонна пахта хом-ашёси етиштирилган. Бу 2021 йилда етиштирилган пахтадан 4 фоиз, 2018 йилдагидан нақ 53 фоиз кўпроқ. Расмий статистикага кўра, 2022 йилда тола ишлаб чиқариш 4,4 фоизга ёки 31,7 минг тонннага камайган. Пахтадан чиқадиган чигит 8,5%га, хусусан, чигитдан олинадиган ўсимлик ёғи 10,9%га қисқарган. 2021 йилга нисбатан калава ишлаб чиқариш 2022 йилда 17,6%га камайган. Калава экспорти қийматда 12,5%га қисқарган. Эътибор беринг, шуларнинг ҳаммаси пахта хом ашёси етиштириш кескин ошган 2022 йилда юз берган. Катта эҳтимол, бу йил ҳам пахта хом ашёси етиштириш яна янги рекордларни уради, лекин пахтадан олинадиган маҳсулотлар ишлаб чиқариш камайишда давом этади. Бу мўъжиза эмасми?