Тадбиркорлик субъектининг фаолияти бир қатор мезонлар бўйича баҳоланади Тадбиркорлик субъектларининг ишончлилик рейтингини яратиш бўйича айрим мулоҳазаларни аввалроқ баён этган эдик. Вазирлар Маҳкамасининг “Тадбиркорлик субъектининг ишончлилик рейтингини аниқлаш тартиби тўғрисидаги низомни тасдиқлаш ҳақида”ги қарори лойиҳаси эълон қилинди. Низом лойиҳаси молиявий-хўжалик фаолиятига оид аниқ очиқ ошкора мезонлар асосида тадбиркорлик субъектларининг ишончлилик рейтингини аниқлаш ва юритиш тартибини белгилайди. Низом лойиҳасида автоматлаштирилган ахборот ресурслари орқали олдиндан белгиланган маълум бир шартларга тўғри келиши нуқтаи назаридан бериладиган баллар асосида тадбиркорлик субъектининг ишончлилигини баҳолаш ва тоифаси аниқланади. Назаримда, мазкур низом тасдиқланса кўплаб бизнес эгалари ўз тадбиркорлик субъектларини ҳар томонлама қонунга риоя этиш, солиқлар, қарзларни ўз вақтида узиш йўлига ўтишади. Савдо-саноат палатаси ва бизнес-омбудсман бу борада бир неча йиллардан буён ишлаб келмоқда ва энди бу нарса қарор билан белгиланмоқда. Тадбиркорлик субъектининг фаолияти қайси мезонлар бўйича баҳоланаши билан бу ерда тўлиқ танишиб чиқишингиз мумкин.