Университетларни четга кўчириб ер эгаллаш ўзбек чиновниклари ва уларнинг чўнтак "инвесторлари" учун янги клондайкка айланади Аслида ўзбек чиновниклари ва уларнинг чўнтак "инвесторлари" кўз остига олган шаҳар марказидаги Универститетлар жойлашган мазали жойлар кунўз ва Давлетовўз ёзаётганидек, фақат Нархоз ва Молия институти эмас (бу таклиф гўёки харажатларни қисқартириш учун Нархоз ва Молияни бирлаштириш ва пробкаларни камайтириш соуси билан берилиши режалаштирилгани бошқа алоҳида мавзу). Кўзланган рўйхат бирмунча кенгроқ. Ёпиқ кабинетлар ортида триллион триллион ишлаб топиладиган схемалар аллақачон тайер бўлган, лекин реализацияси турли сабабларга кўра амалга ошмай қолаётган эди. Хусусан, схеманинг бош идеологи ва асосий бенефициари бўлиши керак бўлганлар тепадан "добро" олиш бўйича қайта қайта уринишларига қарамай ишдан кетиб қолди. Бу орада худди шу тарзда ишланган онкология шифохоналарини ёпиб, шерикларга сотиб, четга кўчириш схемаси ҳам жамоатчиликнинг кескин норозилиги туфайли ўхшамай қолган эди. Шўрпешона шаҳар бошига қўйилган янгиларда эскисидан фарқли ўлароқ жамоатчилик фикри билан боғлиқ комплекслар умуман йўқ. Демак, оламшумул режаларга кўра, давлат ҳисобига университетларга чет туманлардан янги бино ва корпуслар қурилади. Университетларнинг марказдаги эски ўрни аввалбошдан келишилган қурувчи "инвесторлар"га инвестиция киритиш шарти билан тортиқ этилади (отель, бизнес марказлар ва албатта домлар қуриш учун). Ҳеч қандай очиқ аукцион, конкурс ва танлов бўлмайди. Яъни, университетлар кўчирилиши товонини солиқ тўловчилар тўлайди. Мазасини эса чўнтак "инвесторлар" кўради.