«100 фоиздан ортиқ» тўлдирилган омборлардаги газ максимумда ишлатилгандаям 100 кунга етиши керак Расмий маълумотларга кўра, «Хўжаобод» газ омборининг қуввати 900 млн, «Газли» газ омборининг қуввати эса 3 млрд кубометр. Расмийларнинг камера олдида берган ваъдаларига кўра, 25 ноябрь ҳолатига ерости газ омборларимиз «100 фоиздан ортиқ» тўлдирилган эди. Демак, декабрда илк минус ҳарорат қайд этилмасидан аввал омборларда камда 3,9 млрд.кублик газ бўлган. Энергетика вазирининг ўзи икки жойда эълон қилган икки хил версиядаги маълумотга ишонилса, омборларда тўпланган газ максимал тортиб олинганидаям биринчи версияда 97 кунга, иккинчи версияда 115 кунга етиши, яъни қишдан ҳеч бир чекловларсиз, ўйнаб кулиб чиқиб олишимиз керак эди. Агар омборларда ростанам "100%дан ортиқ" газ жамғарилган бўлса, агар янги дейилган компрессор станциялар айтилган қувватига эга бўлса. Қуёш 10 градусгача қиздираётганига қарамай, газ таъминотида чекловлар сақланиб қолаётганига қараганда ё омборларга эълон қилинган миқдорда газ тўлмаган ёки янги компрессорларнинг газни омбордан қайта сўриб олишга қуввати етмаяпти. Сизнингча, қайси бири ишонарлироқ?