Цементчиларга солиқнинг 4 баробарига пасайтирилиши коррупцияга қарши экспертизадан ўтганми? Lolazor'нинг навбатдаги сонида суҳбатимизни Булоқбошидан Қораўзаккача бўлган ҳудудларимизда қурилган цемент заводларининг фойдасидан кўп зиёни ҳақида гапиришдан бошладик. Ҳаво, сувимиз, тупроғимизга қўшиб генофондимизни бузаётган цемент заводларига нисбатан амалдорларимизнинг алоҳида меҳри ва муҳаббати борлиги таажжубга солмаслиги мумкин эмас. Шу ўринда 2024 йил бюджет қонунчилигида цементчилар учун солиқнинг 2 баробарга пасайтириш таклиф этилгани етмагандек, қонун чиқарувчиларимиз 4 баробарга пасайтириб бергани кўпчиликни ҳайратга солганини айтиш керак. "Норматив-ҳуқуқий ҳужжатларнинг ва улар лойиҳаларининг коррупцияга қарши экспертизаси тўғрисида"ги қонунга кўра, Коррупцияга қарши курашиш Агентлиги ўз ташаббусига кўра қонун ёки унинг лойиҳасини коррупция предмети бўйича экспертизадан ўтказиши мумкин. Шу ўринда мантиқий савол, поткастдаям бу сўралган: ЎРҚ 891 қонуни бўйича цементчиларга солиқни 4 баробаргача камайтирилиши ҳолати Агентлик ваколати доирасида коррупцияга қарши экспертизадан ўтказилганмикан?