Тошкентга трамвай қайтадими? Lolazor'нинг навбатдаги сонида кўпроқ жамоат транспорти ҳақида гаплашдик. Бунда бизнинг кўп саволларимизга Транспорт вазирлиги Лойиҳа офиси раҳбари Мурод Абидов жавоб берди. Дарвоқе, А манзилдан Б манзилга жамоат транспорти оптимал маршрут хизматини таклиф этадиган Google Maps навигацияси нима учун Ўзбекистонда ўчириб қўйилгани бўйича саволга барибир жавоб топилмади. Автобуслар, метро, оптимал маршрутлар, келиш, кетиш вақтлари ва умуман жамоат транспортларидан фойдаланишни осонлаштирадиган ва рағбатлантирадиган Ягона миллий илова йўқлиги ҳалиям муаммо бўлиб қолмоқда.