​Январда газ экспорти ҳам, импорти ҳам каррасига ошган 2024 йилнинг илк ойида Ўзбекистон 21 млн.долларлик газ экспорт қилган. Газ импорти эса 35,6 млн.долларни ташкил этган. Ҳар икки кўрсаткич ўтган йилнинг январига нисбатан каррасига ортган. Таъкидлаш керакки, газ импорти 2023 йилнинг декабрига нисбатан 3,7 баробарига камайган. Маълумот учун, 2023 йилнинг охирги ойида 132,2 млн.долларлик газ импорт қилинганди. Агар шимолдагиларнинг гапига ишонилса ва ростанам декабрда кунига 18 млн.кубдан газ импорт қилинган бўлса, Ўзбекистон бир куб олабўжи газини 245 доллардан олаётган бўлиши мумкин. Январнинг ташқи савдоси умумий картина ясамасада, 45,5%дан ортиқ савдоимиз Хитой ва Россия ҳисобига тўғри келганини, Туркия ва қўшни давлатлар билан савдо ҳажми муттасил қисқаришда давом этаётганини ташвиш билан яна такрорлашга тўғри келади. Жуғрофик афзалликка нисбатан логистик тақсимот жуда ёмонлигича қолмоқда. Импортда энг шимолий ҳудудимиз Қорақалпоғистон ва энг жанубий вилоятимиз Сурхондарёнинг улуши 0,6%дан кам даражада қолмоқда.