Январда аҳоли омонатларининг мавсумийликдан кўра сезиларликроқ қисқариши рўй берган Январь ойи давомида жами депозитлар қолдиғи камтаргина 433 млрд.сўмга ўсган ва умумий қолдиғи 242,1 трлн.сўмни ташкил этган. Январдаги депозит бозорининг асосий тенденциясини корпоратив депозитлар қолдиғининг 3,2 трлн.сўмга ўсгани фонида аҳоли омонатлари 2,8 трлн.сўмга қисқаргани белгилаган. 9 та давлат банки ва 15 та хусусий банкда омонатларнинг қисқариши кузатилган. Энг катта қисқариш Ипотекабанк (-606 млрд.сўм), Ўзсаноатқурилишбанк (-526 млрд.сўм) ва Халқ банкида (-332 млрд.сўм) қайд этилган.