Совуқ январь омонатчилар ва депозиторлар кайфиятига ҳам салбий таъсир ўтказган Январь ойи давомида жами депозитлар қолдиғи 2,5 трлн.сўмга камайган ва 1 февраль ҳолатига 214.1 трлн.сўмни ташкил этган. Бунда аҳоли омонатлар қолдиғи қарйиб 1 трлн.сўмга, 62,1 трлн.сўмгача қисқарган. Эътиборлиси, депозит ва омонатларнинг қисқариши давлат банкларини ҳам, хусусий банкларни ҳам қамраб олган. 32та банкдан фақат 10та банкда депозитларнинг ўсишига эришилган. Депозитларнинг энг катта қисқариши Асакабанк (-717 млрд.сўм), Ипотекабанк (-611 млрд.сўм) ва Миллий банкда (-532 млрд.сўм) кузатилган. Айтиш керакки, январь ойида депозитлар фоиз ставкаларида пасайишлар бўлмаган, долларлашув ёки миллий валюта курсининг пасайиши жараёни кузатилмаган. Омонатчилар ва депозиторларнинг жамғариш кайфиятига салбий таъсир кўрсатган омиллардан бири айнан аномал совуқ бўлган бўлиши мумкин.