Февралда депозитлар қолдиғи кескин қисқарган Февраль ойи давомида Ўзбекистон банкларидаги жами депозитлар 4,2 трлн.сўмга қисгарган ва 237,9 трлн.сўмни ташкил этган. Депозитлар қолдиғининг қисқариши асосан давлат банклари ҳиссасига тўғри келган (-4,5 трлн.сўм). Миллий банкдан бошқа барча давлат банкларининг депозит портфели қисқаришга учраган. Жами депозитлар таркибида корпоратив депозитлар 6,4 трлн.сўмга камайган бўлса, омонатлар қолдиғи 2,2 трлн.сўмга ўсган. Февралда Капиталбанк депозитлар бозорида анъанавий фаолликни сақлаб қолган (+772 млрд.сўм). Энг катта NPL'га эга Октобанкнинг бир неча ойдан буён давлатга боғлиқ йирик корпоратив депозитларнинг йиғишда давом этаётгани регуляторда ҳам, ўша депозиторларнинг ўзида ҳам савол туғдираётгани йўқ (+280 млрд.сўм). Бозордаги фаол учликдан Анорбанк ҳам ўрин олган (+200 млрд.сўм).