​Коронавирус омили зиёни ҳали тўлалигича ҳазм этилмай турган шу кунларда Goldman Sachs фонд бозорида яна битта жиддий қулаш бўлиши мумкинлигидан огоҳлантирмоқда. S&P 500 индексидаги энг йирик бешта йирик компаниянинг вазни рекорд кўрсаткичга етган ва 20 фоиздан ортиб кетган. Бу йирик 5 компания Microsoft, Apple, Amazon, Alphabet ва Facebook'дан иборат. Фонд бозори индексларининг кенг кўламли иштирокчилар эмас, кам сонли гигантлар улуши ҳисобига таъминланиши, яъни диверсификациянинг йўқлиги ҳамиша навбатдаги чуқур кризислар олдидан жиддий сигнал бўлиб келган.