Ўзбекистонда 2026 йилга бориб тўқимачилик экспорти 6,3 млрд долларга етказилади Бу ҳақда Истанбулда бўлиб ўтган ўзбек-турк тўқимачилик форумида маълум қилинди. Мазкур Форум мамлакатимиз тўқимачилик саноати салоҳиятини кенг оммага намойиш этиш, унинг нуфузини ошириш ва маҳсулот экспортини янада кенгайтиришга хизмат қилувчи катта платформа. Тадбирда иккала томон ишбилармонларининг 100 дан ортиқ вакиллари иштирок этмоқда. Маълумотларга кўра, бугунги кунда Ўзбекистонда Туркия сармояси иштирокида 100 та корхона фаолият олиб бормоқда. Уларнинг экспорт қиймати 500 млн долларни ташкил қилмоқда. * 2023 йилда Ўзбекистон қиймати тахминан 3,1 миллиард АҚШ долларига тенг бўлган тўқимачилик маҳсулотларини экспорт қилган. Ушбу соҳа республиканинг экспорт салоҳиятини ошириш ва янги иш ўринлари яратишда муҳим рол ўйнайди.