​Бюджет даромадларининг ўсиши тезлашгани ҳисобига ойлик дефицит қисқара бошлаган Май ойида Давлат бюджетининг даромадлари 22,7 трлн.сўмдан ошган, харажатлар 26,6 трлн.сўмни ташкил этган. Бюджет даромадларининг тезроқ ўса бошлагани ойлик дефицитни 3,8 трлн.сўмгача қисқартирган. 5 ой даомида Давлат бюджетининг жамланма дефицити 29,4 трлн.сўмдан ошган. Даромадлар ва харажатлар таркиби, ўтган йилнинг тегишли даври билан солиштириш имконияти йўқлиги учун бошқа чуқурроқ ва кенгроқ хулосаларни чиқаришга шошилмаслик керак бўлади.