Нотариф чекловлар билан тақиқланган лифт импорти муаммоси ҳал бўлгани йўқ Сенат қўмитаси раисининг аралашуви билан 36 та тадбиркор 150 та лифтини божхона омборларидан олиб чиқиб кетишга муваффақ бўлгани ёзилмоқда. Бу яхши, йўқдан кўра, шунақа микроменежмент ҳам керак. Лекин эътибор беринг, бу лифтлар 3 ойдан ортиқ божхона омборларидан чиқарилмай турилган. Зўбидинлар ўзлари берган сертификатларни ўзлари тан олишмаган. Яна юзлаб лифт ва эскалаторлар омборларда ётипти. Ҳеч ким тадбиркорлар кўрган ва кўраётган зарраларни ҳисоблагани йўқ (отнинг ўлими итнинг байрами-да). Ҳеч ким жазолангани йўқ, шу тақиқни жорий қилганлар ҳаммаси ўз лавозимида, янги ва янги тақиқларни туғиш билан овора. Тўхта. бу тақиқдан манфаатдор ким ўзи, орқасида қайси лифт ва эскалатор йиғиб сотишни ўзиники қилган корчалон турипти, деган савол ҳам кўтарилгани йўқ. 3 ойдан бери лифт импортига тақиқ сақланмоқда, "сертификатлаш органи мавжуд эмас" деган баҳонада бекор қилиш режалариям йўқ. Мана шунақа. Сиз нима деб ўйлайсиз, Ўзбекистоннинг ЖСТга кириш ва савдога тўсиқларни бекор қилиш энг юқори даражада эълон қилинаётгани шароитида бу мақсадларга бизнес ва аҳоли ишонадими? Эшитаётгани бошқа, амалда кўраётгани бошқа бўлса?!