Чакана кредитлаш "буми" тугадими? Тўртинчи ой кетма-кет корпоратив кредитлашнинг ўсиши чакана кредитлаш ўсишини ортда қолдирмоқда. Ипотека ва автокредитлашга талаб кескин сўнаётгани фонида банклар, давлат банклари ҳам, хусусий банклар ҳам охирги 2 йилдаги чаканага шўнғишдан кейин яна корпоратив секторга кўпроқ қизиқиш билдираётганидек. Май ойида 22 та банкда корпоратив кредитлаш чакана кредитлашдан фаолроқ бўлган. Чаканага кўпроқ урғу берган онлайн банклар ҳам корпоратив кредитлашни жуда тез кенгайтиришмоқда. Бунга балки корпоратив секторда ҳам оператив ва реал режимда фойдаланиш мумкин бўлган технологик кредит маҳсулотлари пайдо бўлаётгани ҳам туртки бермоқда.