Ўзбекистонда Yandex бренди остидаги хизматлар номи ўзгарадими? Нидерландиянинг Yandex N.V. гуруҳи Яндекс бизнесини сотиши бўйича битим ёпилгани эълон қилинди. Энди Yandex N.V. ўз фирма ва брендлари номини ўзгартириши керак. Қатор манбаларда янги фирма номи Nebius Group бўлиши айтилмоқда. Ўзбекистонда Yandex Go ва Yandex Eats хизматлари айнан Нидерландия гуруҳи таъсисчилигида иш бошлаган. Бўлинишдан кейин Ўзбекистондаги бизнес Нидерландия компанияси назоратида қолган бўлса, Яндекс бренди билан боғлиқ хизматлар номи ҳам ўзгариши керак.