Газ қазиб олиш пасайишда тўхтамай давом этмоқда Ўтган ойда газ қазиб олишнинг янги тубга етгани ҳақидаги статистик маълумотларга нисбатан эътирозлар билдирган энергетиклар (ўзи 3 йилдан бери давом этаётган) қулашни Қандим заводи ва Жарқудуқ комплексида таъмирлаш ишлари кетаётгани билан тушунтиришган эди. "Чуқурроқ қазишга" триллионлар сарфланаётганига қарамай, июнь ойида ҳам газ қазиб олиш ҳажми барқарорлашмаган. Ой давомида 3 538,9 млн.куб газ қазиб олинган, бу ўтган йилнинг шу даврига нисбатан 160,6 млн.куб кам. Олигархияга совға қилинган нефть конларидаги аҳвол ҳам ўнглангани йўқ. Нефть қазиб олиш ҳажми янги минимум 59,6 минг тоннагача тушган (ўтган йилнинг шу даврига нисбатан 4,1 минг тонна кам). Статистикага кўра, июнь ойида электр энергияси генерацияси ҳам қисқарган. Ой давомида 5 682,8 млн.кВт.соат электр энергияси ишлаб чиқарилган, бу ўтган йилги июнга нисбатан 841,6 млн.кВт.соат кам. Албатта, энергетиклар яна статистикага эътироз билдириши мумкин. Эътирозлар бўлса, марҳамат қилиб, ҳар бир генерация объекти қирқимида онлайн маълумотларни очиқ бериб боринг, дейдиган мужда ҳозирча йўқ. Чунки генерация бўйича маълумотларнинг онлайн очиқланиши, ўзлаштиришга асосланган ёпиқ тизимнинг асрорларини ошкор қилиб қўйиши мумкин.