Импортда имтиёз бор, экспортга шароит йўқ. Президент ва тадбиркорлар ўртасидаги очиқ мулоқотга тайёргарлик кўриш доирасида электротехника ва автомобилсозлик соҳаларидаги тадбиркорлар билан учрашувда тадбиркорлардан бири долзарб муаммони олиб чиқди. У маиший техника ҳамда пластик эшиклар ишлаб чиқаришда хориждан эҳтиёт ва таркибий қисмларни олиб кириш учун божхона божи мавжудлигини билдирган. Бу экспорт қилмоқчи бўлган тадбиркорлар учун ҳақиқатан муаммоли вазият саналади. Сўраладиган нарса, тенг имкониятлар, яъни эҳтиёт ва таркибий қисмларни олиб киришга ҳам, тайёр маҳсулотга ҳам божларни бекор қилиш ҳақида бўлиши керак. Қўшнимниям бир кўзи кўр бўлиб қолсин қабилида эмас.