Рақам тўғри, муаммо концентрацияда 99,7 фоиз омонатчиларнинг омонатлари миқдори 200 миллион сўмдан ошмаслиги манипуляция эмас. Муаммо барча йирик омонатлар кам сонли омонатчилар қўлида жамланганида. Афсуски, бир неча минг омонатчилар Ўзбекистондаги жами омонатларнинг мутлақ катта қисмига эгалик қилишади. Марказий банк агар шу маълумотни эълон қилса, ҳаммага тушунарли бўларди. 16 йилдан бери ўзгармаган, бутунлай эскирган кафолат тизими майда ва ўрта омонатчиларни эмас, кўпроқ миллиардерларнинг омонатларини кафолатлаган, рақобатни эмас, концентрацияни рағбатлантирган, йирик омонатчиларда рискка бефарқликни парваришлаган.