Самарқандда ўтказилаётган халқаро тўқимачилик ва кийим-кечак федерацияларининг йиллик анжуманида текстилчи тадбиркор Жамшид Исматуллаев ўз бизнеси ҳақида гапириб берди. Тадбиркорнинг маълумот беришича, унинг корхонаси пандемиягача 10 млн долларгача маҳсулот экспорт қилган экан. Ҳозирга келиб эса корхонанинг экспорт ҳажми 25 млн долларга етган. Жамшид Исматуллаев ўз ютуқлари Ўзбекистондаги тадбиркорлик ва бизнесга нисбатан муносабатнинг ўзгариши ва бу борада янгича сиёсат юритилаётганига боғлиқлигини таъкидлади. Айтишларича, бу тадбиркорнинг қўлида 1700 одам ишларкан. Тадбиркорларимиз халқаро тадбирларда бутун дунёдан келган меҳмонларга жаҳон тилида тўғридан тўғри мурожаат қиляпти. Бунинг устига ўз бизнеси ҳақида бемалол тушунтириб бераётгани, уларни қизиқтира олаётгани қувонарли. Тадбиркорлар фаолияти қўллаб-қувватланса, уларга етарли имконият берилса, юқоридаги тадбиркордек жаҳон ҳамжамиятига дадил ва очиқ юзлана олишига ишониш мумкин.