​Валютадаги кредитлар қимматлигича қолмоқда Сентябрь ойи якунлари билан чет эл валютасида ажратилган кредитларнинг ўртача тортилган ставкаси 10,6%ни ташкил этган. Қисқа муддатли кредитларнинг ставкаси 11,4%га етган. Бу очиқ маълумотлар мавжуд даврлар учун янги рекорд. Валютадаги депозитларнинг нархи бироз қимматлаган ва 4,9%ни ташкил этган (+0,2%). Глобал бозорларда фоиз ставкаларининг пасайиш циклига ўтгани Ўзбекистондаги ставкаларда ҳали сезилаётгани йўқ.