​Депозитлар нархи ошмоқда Октябрь якунларига кўра, муддатли омонатларнинг ўртача ставкаси 21,4%га (+0,3%), корпоратив депозитларнинг ўртача нархи 17,9%га (+1,1%) етган. Депозитларнинг қимматлашуви асосан узоқ муддатли депозитлар ҳисобига рўй бермоқда. Қимматлашаётган депозитлар кредитлар нархига турлича таъсир ўтказган. Чакана кредитлар нархи янги максимум 24,4%гача (+0,2%) ошган бўлса, корпоратив кредитлар 21,1%гача (-0,5%) арзонлашган. Ўтган ойда банклар автокредитлар ва микроқарзлар ставкаларини кўтаришгани, давлат банклари эса марказлашган ресурслар ҳисобидан маъмурий кредитларни фаол молиялаштииргани рақамларга таъсирини ўтказган. Валютадаги кредитларнинг ўртача ставкаси янги рекорд 9,6%га (+0,5%) етган. Бунда валютадаги қисқа муддатли кредитлар ставкаси 10,0%лик маррадан ўтган (10,1%). Бутун дунёда ставкаларнинг кўтарилиши бизда кредит бозорида бироз кечикиб ўз таъсирини намоён этди. Глобал бозорларда бошланган орқага қайтиш жараёни ҳам, табиийки, Ўзбекистонда кечикиброқ ставкаларга таъсир этади. Унгача валютадаги 12%лик кредитлар яна бир неча ой бозор учун норма бўлиб туради.