​Грузия шимолга қараб оғишда давом этади 12 йил аввал популистик ваъдалар билан ҳокимиятга келган, кремлпараст олигарх Иванишвили ҳамёнидаги "Грузин орзуси" партияси Грузиядаги парламент сайловларида 54,24% овоз билан етакчилик қилмоқда. Грузиянинг Европа истиқболи учун курашаётган "Ўзгаришлар учун коалиция" 10,8% ва "Бирдамлик — миллий ҳаракат" 10,1% овоз йиққан. Яна парламентга "Кучли Грузия" (8,7%) ва "Гахария — Грузия учун" (7,7%) ўтиши мумкин. "Ўзгаришлар учун коалиция", "Бирдамлик — миллий ҳаракат" ва "Кучли Грузия" сайлов натижаларини тан олмаслигини эълон қилган. Ҳукумат партияси "Грузин орзуси" пойтахт Тбилисида 40% атрофида овоз йиққан ва йирик шаҳарларда (Кутаиси, Батуми, Рустави) 50%дан кам овоз олган. "Грузин орзуси" сайловдан кейин мухолиф партияларни тақиқлашни, Россия босқини учун "узр сўрашни" ва 2008 йилда "урушни бошлаган грузинлар" устидан суд ўтказишни ваъда қилган.