​Яхши хабарлар ҳам бор: октябрда давлат бюджети ойлик "плюс"га чиққан Октябрда давлат бюджет даромадлари (27,3 трлн.сўм) ортишда давом этгани, харажатлар (24,9 трлн.сўм) эса қисқаргани сабабли, 2,4 трлн.сўмлик ойлик профицит шаклланган. Ойлик профицит кунлик ва ойлик бюджет маълумотлари очила бошлагандан бери биринчи марта юз бермоқда. Октябрда давлат бюджети харажатлари қисқаргани сабаб ва омиллари келтирилмаган. Эҳтимолки, бюджетимизни ўпириб кетаётган энергетикани субсидиялаш вақтинча тўхтатилган. Октябрдаги ижобий тенденция туфайли давлат бюджетининг 10 ойлик йиғилган дефицити 35,0 трлн.сўмгача қисқарган (ўтган йили шу даврда 41,8 трлн.сўм). Маълумотлари очиқланмаётган консолидациялашган бюджет дефицити ортишда давом этаётган бўлиши мумкин.